來源: 東方日報
戥張衞健冇獎唔抵? 蘇永康: 佢目的已經達到
歌手蘇永康為無綫節目《阿姐有乜未見過》擔任主持，還親自邀請了「大帥哥」張衞健擔任嘉賓。被問到與汪明荃拍檔做主持壓力大嗎？他笑說：「盡量唔大壓力，因為今次嚟學嘢，演藝生涯32年，做主持真係第一次，最開心係請到『大帥哥』上嚟，你知佢幾難度期啦，連頒獎禮都冇去，今晚嚟真係好畀面。」
蘇永康力撐老友張衞健有實力，獎項對張衞健嚟講並唔重要。
蘇永康（左）同汪明荃拍檔做主持。
蘇永康（右）親自邀請張衞健擔任嘉賓，話張衞健今次好畀面！
張衞健話明年想喺紅館開騷，點知蘇永康即刻潑佢冷水！
問可有戥張衞健失落「視帝」唔抵？蘇永康說：「據我所知，張衞健係想拍一部佢喜歡嘅港產劇畀大家睇，佢嘅目的已經達到，收視亦證明佢做到，係咪需要蓋多個印，或者屋企放多個亞加力膠，我覺得對張衞健都唔重要。」對於張衞健透露明年希望在紅館開演唱會，蘇永康即抵死笑言：「紅館畀期佢先講啦，『大四喜』就暫時分拆上市，有緣份再組合。」
沒有留言:
發佈留言