來源: 晴報
有口碑好過攞視帝 張衞健︰贏咗觀眾個心
張衞健前晚到無綫電視城，以嘉賓身份出席由汪明荃（阿姐）、蘇永康及森美主持的新節目《阿姐有乜未見過》。日前缺席台慶頒獎典禮的健仔，直言劇集《大帥哥》成功帶給觀眾歡樂，已經達成自己的初心，所以不在乎獲獎與否。
健仔缺席台慶頒獎禮，卻現身阿姐及蘇永康的新節目，認真畀面。
張衞健前晚笑言專程來賀阿姐及撑「豬朋狗友」蘇永康，提到日前缺席台慶頒獎禮，健仔說︰「唔使啦，去嚟做咩啫！正經啲講，我一直以嚟，只係一心一意演好部戲，咁多年以來從未攞過一個有關演戲嘅獎項，只希望得到觀眾嘅心。我認為人生係可以渺小，但唔可以虛度；角色可以戲少，但唔可hea做，呢個係我由細到大嘅宗旨。」健仔又指「大帥哥」這角色，絕對是對得住自己及觀眾。
不在乎獎項認同？健仔說︰「你話呢？攞獎固然開心，但最開心係贏觀眾個心，聽到唔少朋友話要趕返屋企追劇，好開心營造到呢個睇電視嘅氣氛，呢個係我初衷，希望帶畀觀眾快樂。（拍到攞獎為止﹖）我鍾意講笑，有時又好認真，大帥哥唔係咁易捉摸到。」
談到同劇一班後輩均對他失視帝感不值，健仔表示︰「佢哋感觸啫，好似洪永城同楊秀惠，曹永廉就唔使啦，都聞到棺材香。」他又恭喜馬德鐘封視帝，笑言很羡慕對方有長腿。
計劃紅館開個唱
另外，健仔透露明年可能在紅館開香港首個個人演唱會，老友蘇永康抵死說：「紅館畀期佢先講啦，『大四喜』（Big Four）就暫時分拆上市，有緣份再組合。」
沒有留言:
發佈留言