【演出】吳國敬30載作品展音樂會

* 編按:
不一定要笑到你爆嘴扯蝦才是好講稿呀....

日期: 2015年11月29日
來源: kwokcherry 的 IG

敬 . 愛音樂吳國敬30載作品展音樂會 (節錄)

敬 . 愛音樂吳國敬30載作品展音樂會 (Eddie Ng 30th Anniversary Concert 2015)

一共兩場，噚晚原先坐第一行 (加埋前面4行英文字母，實際為第五行)，但朋友 KL 臨開場換咗A行俾我，開心死…

一開場係主持張衛健，今次個稿麻麻地，無笑爆咀…

第一個嘉賓係太極，真係 rock 到爆，又不斷噴火，場面好靚好勁好型，high 到呢…全晚我最鍾意呢一part表演。舞台設計係俾阿敬同嘉賓行圈唱歌同握手，所以阿敬不停咁係我面前出現，我諗唔到原因唔同佢握手囉…哈~哈~哈~ 跟住有J.Arie、天堂鳥、劉浩龍、黎瑞恩、陳慧琳、張衛健、梁漢文、許志安、蘇永康同張智霖。

跟住到張偉健、梁漢文、許志安同蘇永康各自出場唱歌之後再合體，Big Four 點會唔笑死你吖!!!!! 又係行到去你面前無原因唔同晒四個握手囉!!!! 每個嘉賓都係輕輕一掂或一握，唯獨蘇永康係用力握，加埋眼神同點頭，好有誠意，令我覺得佢係多謝我嚟睇佢個演唱會。我講真㗎!!!!!

2015年4月5日係音樂會第二場亦係尾場，同第一場嘅rundown差唔多 (可以睇番我噚日嘅分享)，而嘉賓名單就有少少唔同。

跟住梗係 Big Four啦! 同前晚一樣，張偉健打頭陣，然後梁漢文、許志安同蘇永康相繼出場，獨唱完就四位一體，再一次俾佢哋噚晚嘅對話笑死咗!!!!!因為前晚同四位握咗手，所以我都係揀拍片，讓握手quota俾其他人。