【報紙】老友出席睇騷人夫個唱

日期: 2015年4月30日
來源: 蘋果日報

老友出席睇騷人夫個唱

許志安升級成為人夫後舉行首個紅館個唱，一連四場嘅《Come On》演唱會今日正式開鑼，下午近6點，穿上印有演唱會字樣外套嘅安仔、經理人黃柏高及演唱會嘉賓薛凱琪（Fiona）齊齊現身拜神。眾人拜神期間，身為教徒嘅安仔及Fiona冇參與，只是企喺旁邊祈禱，有唔少歌迷叫安仔，佢亦有笑笑口向歌迷揮手。

今晚捧安仔場嘅好友包括盧凱彤、張衞健、梁漢文夫婦、陳慧嫻同蔡一智等等，據悉鄭秀文（Sammi）喺後台未有坐喺台下睇騷。

梁漢文，張衛健，蘇永康及蔡一智等帶老婆出席。

現場開三面台，台中間有安仔半身巨型3D投射人像。安仔著上白色燕尾服襯金色貼身褲出場，唱完《讓我待你好一點》後，更獻唱佢同Sammi嘅飲歌《唯獨你是不可取替》，結果引得全場觀眾大叫Sammi。

雖然大家都知安仔同Sammi結咗婚，但兩人都係未式公佈過，唔知今晚安仔會否正或公佈呢?演唱會去到中後，安仔就冇直接講結婚，只係話o依家同以前嘅安仔唔同咗，就係o依家多咗份承擔、安全感同責任，唔止只係比個膞頭對方「挨一挨」咁簡單。後台訪問時，記者問安仔是否已婚，佢就承認話：「係」。