【報紙】張衛健被雪茄燒腋毛

日期: 2008年10月29日
來源: 太陽報

張衛健被雪茄燒腋毛

張衛健在驕陽新片《奪標》中，除親身上陣拍攝危險的對打場面外，更不惜犧牲腋毛，被雪茄「辣」腋下，事後他說：「燒『胳肋底』毛我都驚架！以前拍劇試過燒傷，點都有陰影，但導演徐小明同我排咗十幾次，仲同演反派那位演員講明要一Take過。雖然我的『胳肋底』毛冇咗，但場戲效果好好。戲入面仲有好多場打戲，小明哥話係為我而設，可以畀我騷下有幾身手了得，所以我開拍前半年，已經密鑼緊鼓操練，效果總算滿意，希望觀眾鍾意。」

徐小明亦對健仔讚不絕口：「我最怕健仔受傷，但佢反而話唔想錯過機會，想證明張衛健做電視、電影都咁有光彩。依家我可以好驕傲咁話畀健仔知，佢打戲好有說服力！」