【報紙】第2度開騷 張衞健不肯減肥求凸破

日期: 2012年12月3日
來源: 星島日報

Big 4第2度紅館開騷  張衞健不肯減肥求凸破

許志安、張衞健(Dicky)、梁漢文(Edmond)、蘇永康組成的Big 4將於農曆新年期間舉行演唱會，安仔與女友鄭秀文(Sammi)屢傳婚訊，問到會否被觀眾催婚？安仔即指觀眾很乖，Dicky整蠱安仔表示若演唱會門票銷情不理想就叫Sammi出來。

將於2月9日至14日假紅館舉行演唱會的Big 4，於農曆新年開騷必定利是大豐收，他們會構思特別方法𢭃利是，康仔提議設路軌上山頂(場館高座)𢭃到盡，張衞健(Dicky)表示𢭃利是時亦會派利是給觀眾，以示公道，安仔爆至今只𢭃過Dicky一封利是，暗指對方孤寒，Dicky即說就在台上派給他。談到大派利是或會被觀眾催婚，安仔即說：「觀眾好乖，唔會做呢啲嘢。(宣布結婚？)低調，唔會搞呢啲嘢，自己嘢枱底搞，唔會拎上台。」會否怕被催婚而不請Sammi擔任嘉賓？他說開會沒討論過這問題。Dicky抵死地表示要看情況而定，笑言如票房不理想就叫Sammi出來，甚至曾與康仔傳緋聞的廖碧兒也一併叫出來。

Dicky不做運動

上次Big 4演唱會請來草蜢當嘉賓，Dicky希望今次盡量不要請對方來，因綵排草蜢歌舞實在太辛苦，上次絕大部分時間用來排練草蜢舞步。他又笑指草蜢食碗面反碗底，本想與草蜢合作開演唱會，怎料對方跟軟硬合作。問會否操練肌肉示人？安仔嘲笑Dicky是唯一一個成員不愛做運動，亦似乎想放棄操練，Dicky辯稱集中時間練歌，笑說《真真假假》唱了20多年也未記熟歌詞，又說自己低血糖不適合做運動。安仔表示Dicky減肥不成功，然後指着他的肚腩笑，Dicky笑說可以縮肚，由頭縮到尾。

蘇永康又有大條道理買靚衫。

許志安公私分別，不會令Sammi尷尬。

梁漢文很榮幸能成為Big 4一分子。

張衞健不愛做運動被嘲小肚腩。

第2度紅館開騷，Big 4歌酬有加幅，Dicky笑說加幅不多，他們要求更多舞台效果和機關，主辦單位爽快答應。Dicky特地感謝狄波拉支持，上次開騷，拉姑第一個訂飛，今次同樣每場訂購一行門票。Edmond指Big 4於2010年成立，兩年間建立這個信心品牌，今次比上次更大信心，稍後會作巡迴演唱，香港之後會赴英國演出，接着還有馬來西亞、澳門、廣州等地。