【報紙】Big4開騷 健仔請四子另一半齊上台

日期: 2012年12月10日
來源: 蘋果日報

Big4開騷　健仔請四子另一半齊上台

準備在農曆年開騷嘅Big 4接受商台訪問，節目一開始張衞健大爆許志安遲到，他聲言Big 4喺演唱會上會用特別嘅方法攞利是，而且四人每晚亦會大派利是給觀眾。

之前喺記者會上，張衞健曾透露其中一人有可能會「求婚」，張衞健說：「畀人揀囉﹗一係求婚一係分手，阿康之前話可能2013年有啲事發生，唔知係咪佢喇﹗」外間曾猜測許志安會向鄭秀文求婚，他稱：「我唔會現場做呢啲，我覺得好悶。」

Big 4農曆新年開騷，相信眾人嘅屋企人都會到場。至於會否請四人嘅情人上台表演？張衞健話：「尾場係情人節，可能加啲料，如情人到就儘量請上台，但睇佢哋意願。」