來源: 蘋果日報
有話兒: Big4老作西遊
大前年「串燒四兄弟棟篤唱」（Big4老作）空前成功，之後改名Big4。 Big4是一支平均年齡約45歲的中佬組合，全組人加埋接近180歲，但他們會唱會跳，吹水最強，成立僅兩年，目標好簡單，為求自己開心，同時帶給觀眾歡欣。
安仔、健仔、康仔和梁炳相識廿載，情同兄弟，難得一班中佬聚埋唱歌吹水玩到癲之餘，還有可觀收入，當然值得開心。
難得張衞健、蘇永康、許志安、梁漢文相識廿載情同兄弟，遇過高低起跌，多年來互相扶持，雖然性格各異，亦可以和諧共事。前年中佬組合Big4首度踩入紅館全場爆滿，明年乘勝追擊，農曆年搶手檔期開足六場跟大家過年，之後鴻圖大計準備世界巡迴，目標是撞入英國倫敦國際舞台The O2 Arena，挑戰陳奕迅的速銷新紀錄。
攝影：林德雄
場地提供：紅磡都會海逸酒店
撰文：楊潔雯
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
陳淑芬有先見之明，見到張衞健（Dicky）、蘇永康（阿公）、許志安（老鼠）、梁漢文（Edmond）想起《西遊記》，張衞健說：「陳淑芬見我哋四個成日走埋一齊，一開始叫我哋搞《西遊記》舞台劇，我就梗係做孫悟空，Edmond係唐僧、許志安做沙僧，蘇永康唔使講梗係豬八戒喇，仲要唔使化妝！」眼前開始出現幻覺，所有人對號入座，梁漢文在沙漠坐着一頭馬，頭戴金剛圈的張衞健拉着馬頭，許志安和蘇永康尾隨其後，然後Big4開始大話西遊。
亂噏當秘笈
內斂沉穩的唐僧梁漢文先說了一些開場白，他說：「最早期係好想一齊去登台走埠同旅行，依家願望達成，大家都好開心。」在唐僧講話的時候，馬騮仔健仔在師父耳邊獻計說：「講埋加咗歌酬呀！」
《西遊記》本來就精采絕倫，如今四師徒開騷，哪會如此風平浪靜？沙僧安第一個跳出來申訴說：「開頭開會時間好唔專注，真係好唔慣，要做乜嘢度乜嘢，講講吓，有人又問你有冇睇邊個嘅騷呀？扯到好遠去咗大西洋，當時我好嬲，成日講東講西，講去第二度，不過依家開始發覺開會真諦，其實我哋幾個咁樣先開到會，我哋四個認真喺埋一齊係度唔到嘢，係習慣咁先有嘢。」八戒蘇永康想重申自己的論點說：「開會係要think out of box！」坐在對面的悟空梳一梳光頭問：「乜嚟㗎？」沙僧安刻意拉高八度將out讀成狗，他說：「即係think狗of the box，叫你唔好成日諗嘢喺個框框度呀！」八戒康隨即再加一腳說：「識唔識英文呀
你！」
Big4跟《西遊記》有緣，梁炳和健仔真的合演過唐僧和孫悟空兩師徒。
（《齊天大聖孫悟空》劇照）
互封遲到王
悟空慘被圍剿，即刻轉移視線，一本正經地說：「上一次Big4第一日做宣傳，覺得好有問題，人哋問第一條問題，個個靜晒，dead晒air，你讓我我讓你，人哋再問，大家可能意識到唔掂，第二個問題就搶住答，咁樣好嘈。」
突然，沉默寡言的唐僧說：「就係咁樣呀！我哋平時慣咗獨立做。」三位徒弟同時點頭承認，悟空補充說：「四位一體咁做，係另一個技巧！咁點呢？即刻call out一個好urgent嘅會，講點樣做一個組合presentation，所以到今次唔駛講嘢，好舒服！有晒默契做訪問，幾時邊個講，幾時呢類型邊個講，幾時邊個想食枝煙邊個會頂住㗎喇！唔使一定四個坐晒喺度，邊個未到呢個就頂住先。」悟空一邊講，一邊盯着剛剛遲到的人，沙僧安先發制人說：「我好少機會遲到！開會最早到係咪我呀？」
戴到周身配飾的康仔被兄弟揶揄遲到大王。
這個時候師父唐僧再一次主持公道說：「你有冇諗清楚呀！」師父一聲令下，沙僧安縮一縮膊頭，不好意思地說：「呢一part唔係好記得。」之後大師兄悟空站出來為師父護航，他說：「我諗最早到就係Edmond，我好公道，我就唔會話自己最早到，我係中庸之道，執輸行頭慘過敗家，我就係做中間，通常老鼠係最world boy，佢會話出門口打畀我喇！因為阿公配飾多，你睇佢戒指戴多兩隻，佢點可以咁早到，梗係要原諒佢。」坐在沙發上的阿公揣一揣手上的戒指，不以為然。
(待續)
沒有留言:
發佈留言