來源: 星島日報
睇得出健仔已經交足功課，理得咁多啫！
最近又見到張衛健做馬騮仔，今次更唔同嘅，係佢用咗好多心機放喺角色上面，可能之前太好，令佢一飛沖天，再做壓力特別大。要好過以前絕對唔易，而且一切都係由自己創造，所謂成也蕭何、敗也蕭何，健仔嘅心理狀況可以體會，如果唔係人哋話佢度埋啲對白好似講粗口，使乜即刻面黑啫。
以健仔一向嘅脾性，向來無乜所謂，亦都睇到化，笑罵由人，佢本來可以唔接馬騮仔呢個角色，但老闆畀咁大舊錢唔做就傻嘅情況下，「美猴王」嘅演出，口碑比收視更重要，直接影響張衛健以後星途嘅起落，稍有啲唔好嘅評價，佢可能未必接受得嚟。世事有云：凡事退一步海闊天空，健仔，放鬆心情，睇得出你已經交足功課，咁又使乜理啲雞蛋裏挑骨頭嘅批評呢！
沒有留言:
發佈留言