【報紙】蔡思貝對前輩尊重

日期: 2018年10月8日
來源: 蘋果日報

【怕咗緋聞女皇？】拒絕蔡思貝愛慕 張衞健：限於對前輩尊重

張衞健（Dicky）今日喺中環為慈善跑宣傳，原本呢段時間，可能係要為台慶劇宣傳嘅……因為早前無綫搵佢拍咗套《大帥哥》，當時相當重視，但依家套劇要到12月先播。

延播嘅原因，有指係受到蔡思貝形像差拖累劇集，Dicky今日有另一說法：「我都係睇報紙先知，照計同我合作過嘅人都會畀我魅力吸引，無論八歲至八十歲都走唔甩，唔會唔鍾意我，包括蔡思貝，只不過蔡思貝佢鍾意我限於前輩尊重，才子嘅欣賞，僅限於此。」大家都莫名其妙，講緊蔡思貝形象差喎？Dicky力撐：「佢形象幾好，OK吖，好努力，好尊重所有合作同事。」貴為前輩必然受尊重？Dicky即有感而發話：「你哋都未見過唔尊重前輩嘅人！」莫非有意拍呢套劇受到不尊重？Dicky好有道德話：「冇，個個都好尊重我。」

《大帥哥》要年底先播。

有指係受蔡思貝形拖累，張衞健話蔡思貝形象幾好。

張衞健今日喺中環為慈善跑宣傳。

慈善跑會喺11月尾舉行，佢話到時盡量參與。

講番今日活動，呢個慈善跑會喺11月尾舉行，Dicky話到時盡量參與，不過自己平日就會游水多，佢話：「有時自己懶做運動，一返香港就會捉阿媽去游水，媽媽已經七十八歲，雖然冇以前咁犀利，但o依家依然係會自己去游水。相信Big Four裡面我係最少做運動一個，但近年養成一個習慣，如果有樓梯同電梯之間，我會選擇行樓梯，等自己郁動多啲。」又力讚自己保養得宜，由細到大都冇變過係後話，前話係冇乜點定下來，屋企梳化用咗幾年都好似新梳化一樣，因為會起身周圍行，個人坐唔定。