【報紙】撐蔡思貝形象OK

日期: 2018年10月8日
來源: 東方日報

撐蔡思貝形象OK　張衞健為香港人拍劇

張衛健（Dicky）出席慈善跑記者會，同場還有前奧運體操金牌選手李小鵬出席，二人惺惺相惜，Dicky表示若早點認識對方可跟他學體操，而小鵬即時回敬，若早點認識可以跟Dicky學功夫，慨嘆相逢恨晚。

張衞健強調回巢無綫目標是為香港人拍劇，撐蔡思貝形象OK。

李小鵬（左）與張衞健惺惺相惜。

張衞健即場做「高難度」動作。

大合照

Dicky接受訪問時提到主演的無綫劇《大帥哥》終於播放有期，傳12月會推出，他謂：「監製最近有提過，但邊日邊時播就未知，亦未有人同我度期做宣傳。」問之前傳是台慶劇但臨時被抽起？他說：「我真係唔知，其實由新秀到TVB拍劇，而拍過又所謂得咗嘅劇，好似孫悟空同韋小寶都唔係台慶劇，對我嚟講呢樣嘢好casual（隨便）， 我拍劇目標好單一，我想拍一部講廣東話嘅劇畀香港人睇。」

張衞健與蔡思貝在無綫劇《大帥哥》合作。

但另一說法是指蔡思貝緋聞形象差而令劇集播出無期？Dicky則言：「以我魅力嚟講，觀眾層係8歲到80歲都唔會唔鍾意我，包括蔡思貝，但只不過思貝對我限於前輩嘅尊重同才子嘅欣賞。（話佢形象差？）佢形象OK喎！佢好努力呀！」講到拍畢一年仍未播好感失望？他謂不會，因他目標單一，就是拍部廣東話劇。