【報紙】《大帥哥》重見天日

日期: 2018年10月8日
來源: 東方日報

張衞健唔使灰！洪永城爆《大帥哥》重見天日

由張衞健回巢孭飛嘅無綫劇《大帥哥》，有傳原來安排做台慶劇但臨時被抽飛，又有傳因為劇中演員形象問題已被雪，謠言滿天飛。

今次堅，網友都讚好！

不過呢日有份參演嘅藝人洪永城（Tony），就率先爆料指《大帥哥》終於「重見天日」啦！佢喺社交網上載一張劇照，仲代入劇中角色嘅身份公布呢個喜訊，佢留言提到：「馬炭：『大哥呀，究竟幾時播呀？出邊（面）好多謠言啊，又話呢樣又話嗰樣……』 大帥哥：『嘈嘈嘈唔好嘈，其他人道聽途說，你就要跟佢哋嘅咩？！後生仔唔使急，好嘢係值得等待，準備好12月見啦。』」消息一出，網友即反應熱烈，紛紛表示期待劇集出街。